।। सुस्वागतम ।।

श्री देवी भगवतीमातेच्या सर्व भक्तांचे आम्ही हार्दिक स्वागत करीत आहोत.

श्री देवी भगवतीमातेचे महात्म, ऐतिहासिक पार्श्वभूमी आणि मंदिरातील दैनंदिन तसेच वार्षिक उत्सवांची सुयोग्य माहिती सर्व भाविकांपर्यंत पोहोचावी यासाठी श्रीकृपेने केलेला हा छोटासा प्रयत्न...!

कोकण…..भगवान परशुरामांची पावन भूमी. ईश्वराचा कृपाप्रसाद , अध्यात्मिक अधिष्ठान आणि निसर्गाची मुक्तहस्ते उधळण लाभलेली हि पवित्र भूमी. पूर्वेला सह्याद्रीची पर्वतरांग आणि पश्चिमेला अथांग सागर. या पावन भूमीत, सिंधुदुर्ग जिल्ह्यात, देवगड तालुक्यातील 'कोटकामते' हे एक गाव. चारही बाजूनी डोंगरांनी वेढलेले, बारमाही वाहती नदी, सुजलाम सुफलाम असे हे नयनरम्य गाव. ऐतिहासिक आणि आध्यत्मिक अधिष्ठान लाभलेले हे गाव. या गावाची ग्रामदैवत ' देवी भगवती माता'. एक जागृत देवस्थान.

सविस्तर माहिती वाचा

आश्विन शुद्ध प्रतिपदा ते आश्विन शुद्ध दशमी, अर्थात विजयादशमी पर्यंत येथे शारदीय नवरात्रौत्सव मोठया भक्तिभावाने साजरा केला जातो. नवरात्रौत्सव हा गावाचा सर्वात मोठा वार्षिक उत्सव आहे. आई भगवतीचा नऊ दिवस जागर केला जातो. या उत्सवाला जिल्ह्यातील भाविकही मोठ्याप्रमाणात दर्शनाला येतात. या दिवसात चाकरमानी मंडळी गावात पोहोचतातच.

हा सोहळा इतिहासकालीन पद्धतीने साजरा होतो. नवरात्रौत्सवात नऊ दिवस मध्यरात्री १२ नंतर चांदीचे पेटते ताट घेऊन देवी भक्तांशी संवाद साधते. भक्तांच्या समस्या निवारण्यासाठी तिच्या समोर सर्वजण नतमस्तक होतात. देवीच्या ताटाचा उत्सव सर्वत्र प्रसिद्ध असून नवरात्रौत्सवातील अष्टमी दिवशी देवीचे हे ताट घेऊन संचार भक्तांच्या घराघरापर्यंत पोहोचतो. हा उत्सव नेत्रदीपक असतो. देवीची ही ख्याती पाहण्यासाठी, अनुभवण्यासाठी भक्तांची मांदियाळी फुललेली असते.

सविस्तर माहिती वाचा

श्री देवी भगवतीमातेचे महात्म आणि असलेली ऐतिहासिक पार्श्वभूमी यामुळे माऊलीचा भक्तगण-परिवार खूप मोठा आहे. महाराष्ट्रासहित पूर्ण देशभर पसरलेला आहे. त्यामुळे दूरदूरून भक्त देवीच्या दर्शनाला येत असतात. याचा विचार करून बाहेरगावाहुन येणाऱ्या भाविकांची सुसज्ज राहण्याची व्यवस्था व्हावी या उद्देशाने सन २०१८ साली देवस्थान आणि तानवडे सार्वजनिक संघ मुंबई - पडेल यांच्या संयुक्त विद्यमाने भक्त-निवास बांधला.

सविस्तर माहिती वाचा